Biography of Fazal muhammad Pinhan | د فضل محمد پنهان ژوندلیک | Pashto Research Academy | - Video

فضل محمد پنهان د پښتو ادب یو ځلانده ستوری دی ، چي د ډیرو اثارو خاوند دی ، په دې کي تاریخي ، څېړنیز اثار ډېر دي ، د کندهار دغه د پښتو خدمتګار پښتو ادب ته ډېر څه وړاندي کړي دي ، دلته په دې ویډیو کي زموږ د دغه قدرمن استاد ژوندلیک او کار په ګوته شوی دی ، چي د لوستونکو په ګټه پریوځي.
استاد فضل محمد پنهان پر ۱۳۲۰ ل کال د کندهار ښار په ده خواجه سیمه کې زېږیدلی وو. لومړنۍ زده کړې یې د کندهار په میرویس نیکه لیسه کې کړې او لوړې زده کړې یې د کابل پوهنتون د بشري علومو په پوهنځي کې بشپړې کړې وې. يوه بله سرچينه بيا ليکي چې ارواښاد پنهان په کابل پوهنتون کې د ژبو او ادبیاتو پوهنځی لوستی وو او د کندهار د ښوونتون (د ښوونکيو د روزنې مؤسسې) پخوانی استاد وو او ډېره موده یې د ښوونې او روزنې په برخه کې خدمت کړی دی. هغه نژدې پنځوس کاله په ښوونیزه او څېړنېزه برخه کې کار کړی وو.

د کندهار پوهنتون استاد شیرشاه رشاد د فضل محمد پنهان د لیکنو په اړه وايي، چې د استاد پنهان څېړنې، په ځانگړې ډول د سوېل لویدیځ زون لپاره د پښتو ژبې، متاخرینو او متقدمینو په اړه، چې ځینې په پرتلیزه توگه ترسره شوې، په رښتيا هم د ستاینې وړ دي.

د ښاغلي رشاد په اند، د ادبي تاریخ او تذکره لیکنې په برخه کې د پښتو ادب د بشپړتیا پروگرام لپاره د پنهان صاحب اثار ارزښتناک دي. په پښتو ژبه د استاد پنهان شاوخوا ۲۰ عنوانه بېلابېل کتابونه چاپ شوي او یو شمېر نور یې لا هم د چاپ لار څاري.
چاپ شوي اثار
۱- دوه صوفي شاعران، مولانا بلخي او رحمن بابا.
۲- تاریخ نه مسخه کېږي. د احمد شاه بابا ابدالي د واکمنۍ او پاني پت جگړې په اړه څېړنه.
۳- د ملنگ کچکول، د مقالو ټولگه.
۴- کندهار په شعرونو او لنډیو کې.
۵- بایزید روښان او د هغه پاڅون.
۶- حمید ماشوخېل او میرزا حنان بارکزی.
۷- کندهاري شعرا.(څلور ټوکه) د پخوانيو او اوسنيو کندهاري ليکوالانو او شاعرانو تذکره.
۸- پښتو انگلیسي ژبښود.
۹- د انگلیسي پښتو گرامر.
۱۰ - ادبي ارمغان
۱۱- د مشکو بهیر (شعرونه)
۱۲- ادب او سیاست
۱۳- کندهارۍ وږمې
۱۴- شهید سردار محمد داؤد د تاریخ په هینداره کي
۱۵- لس مقالې
۱۶ - شل مقالې
۱۷ - ژورنالیزم په افغانستان کي
۱۸ - حضرت رحمن بابا د ادب به هینداره کي
۱۹ - کندهار د مغلي او صفوي امپراتورۍ په مینځ کي
۲۰ -

فضل محمد پنهان
پنهان فضل محمد
د فضل محمد پنهان ژوندلیک
د فضل محمد پنهان آثار
د فضل محمد پنهان کتابونه