Batrajwng fwsabjabai| Fap'a nimaha jabai, nimaha jagwn nonga|The Word cleansed us already|Johon 15:3

Sase fapi mansia gwbang bestho (busy) thayw gaoni fapkhow mwjang maonaijwng khwmwrnw eba susrangnw thakhai. Mansia gaoni maonaijwng Iswrkhow mwnnw hasthayw. Mansini gwswa ji batrakhow mwjang mwnw be batrakhownw najaow. Binikhainw mansia Iswrkhow gaoni thi sannai badisw nagirw. Somosya arw jengnafwr fwibla mansini gwswa be jengnajwngnw lwgwse bwhwifayw. Nathai Iswra mansini sannai badi sana. Mansini gwswa Iswrni sannai badi nonga (Jesaia 55:8,9). Mansia Iswrni sannaijwngsw bwhwifanangow. Angni sannaya (mansini dhwrwmia) angniao gwkhrwngbla Iswrni sannaya (Iswrni dhwrwmia) angniao jaiga mwna. Songsarao sanwi rwkhwm mansi dongo, sase fapi arw sase dhwrwmia. Johon 15:3 ao bungdwng je ‘Nwngswrw ang nwngswrnw hwnai batrajwng fwsabjakhabai’ Bebadinw jwng boibw Iswra gaoni saselo bicajlakhow buli hwnaijwngnw oraini thakhai fapnifrai gobai. Jwng dinhwi fapnifrai gogwn hwnna fwthaya, nathai fapnifrai gobai hwnna sw fwthayw. Jisu Kristoni thwiya tharwinw mansi maharini fapkhow susrangnw thakhai thwjase mwn. Mansia fapkhow susrangbaonw arwbao jebw nanglia. Batraya bungkhabai je jwng susrangjakhabai, susrangjagwn nonga. Fapni nimaha ya 2000 bwswr sigang nw jabai, nimaha jagwn nonga. Iswrni batrani gejerjwngsw jwng fapnifrai nimaha mwnbai.